ڈیفنس پولیس شہری کو لٹنے سے بچا لیا،3 ڈکیت موقع پر گرفتار
4 ڈاکو اختر شاہ نامی شہری کو لوٹ رہے تھے، ملزمان کا ایک ساتھی الطاف سولنگی موقع سے فرار ہوگیا، ساجد سدوزئی
125 موٹر سائیکل سائٹ اے کیماڑی، 150 اور 70 قائد آباد کی حدود سے چھینی گئیں، ملزمان عادی جرائم پیشہ ہیں، ماجد ہالیپوٹو
8 موبائل فونز، تین موٹر سائیکلیں، 2 پسٹل بمع رائونڈز برآمد، گرفتار ملزمان اسریٹ کرائم کے ماہر ہیں، فائزہ سوڈھار
شیر دل ولد عاشق علی، عبدالرافع ولد ملک سجاد اور درویش ولد گل منیر پہلے بھی متعدد بار جیل جاچکے ہیں، عدیل افضال
کراچی (نمائندہ اتفاق نیوز) ڈیفنس پولیس کی بروقت کارروائی اختر شاہ نامی شہری کو لوٹنے والے تین ملزمان موقع پر گرفتار، مسروقہ موٹر سائیکلیں، موبائل فونز اور اسلحہ برآمد، تفصیلات کیمطابق ڈیفنس پولیس کی بروقت کارروائی سے اختر شاہ نامی شہری لٹنے سے بچ گیا، ایس ایس پی سائوتھ ساجد امیر سدوزئی نے بتایا کہ 4 ڈکیت اسلحے کے زور پر شہری سے لوٹ مار کر رہے تھے کہ گشت پر مامور ڈیفنس پولیس کی ٹیم موقع پر پہنچ گئی اور بروقت کارروائی کرتے ہوئے اختر شاہ نامی شہری کو لٹنے سے بچا لیا، واضح رہے کہ ملزمان کا ایک ساتھی جس کا نام الطاف سولنگی بتایا جاتا ہے فرار ہونے میں کامیاب ہوگیا، گرفتار ملزمان کی شناخت شیر دل ولد عاشق علی، عبدالرافع ولد ملک سجاد اور درویش ولد گل منیر کے ناموں سے ہوئی ہے، گرفتار ملزمان کے قبضے سے چھینے گئے 8 عدد موبائل فونز، 3 موٹر سائیکلیں اور 2 پسٹل بمعہ رائونڈ برآمد ہوئے ہیں، ایس پی کلفٹن ماجدہ ہالیپوٹو نے بتایا کہ ملزمان کے قبضے سے برامد ہونے والی موٹر سائیکل 150 سی سی قائد اباد تھانہ کے مقدمہ الزام نمبر 817/24 جرم دفعہ 392/34 ت پ میں ہے جبکہ موٹرسائیکل 125 کا مقدمہ تھانہ سائٹ اے کیماڑی میں 584/24 جرم دفعہ 392/397/34 ت پ درج ہے، اسی طرح موٹر سائیکل 70 سی سی کا مقدمہ بھی قائد اباد تھانے میں 818/24 درج ہے، ایس ڈی پی او فائزہ سوڈھار کا کہنا تھا کہ ملزمان موٹر سائیکل چھیننے اور سرقہ کرنے کے ماہر ہیں اور کراچی کے مختلف علاقوں میں درجنوں موٹر سائیکلیں چھیننے اور چوری کرنے میں ملوث ہیں، اسٹیشن ہائوس آفیسر ڈیفنس تھانہ عدیل افضال نے بتایا کہ گرفتار ملزمان اور ان کے ساتھی عادی مجرم ہیں اور اس سے قبل بھی متعدد بار گرفتار ہو کر جیل جا چکے ہیں، ملزمان گینگ کی صورت کام کرتے ہیں جن کے مزید ساتھیوں کی گرفتاری کیلئے چھاپے مار کارروائی کا اغاز کر دیا گیا ہے، ملزمان کے خلاف مقدمات ڈیفنس تھانہ میں درج کر کے تفتیش کا اغاز کر دیا گیا ہے
