وزیر بلدیات سندھ سعید غنی کی زیر صدارت پیپلز پارٹی سے تعلق رکھنے والے کراچی کے ٹاؤنز چیئرمینز کا اہم اجلاس منعقد ہوا۔
اجلاس میں پیپلز پارٹی کراچی کے جنرل سیکرٹری و ڈسٹرکٹ سائوتھ کے صدر جاوید ناگوری، تمام ٹائونز کے چیئرمینز اور دیگر نے شرکت کی۔
اجلاس میں چیئرمینز نے اپنے اپنے ٹائونز میں اب تک کئے جانے والے کاموں اور انہیں درپیش مسائل سے صوبائی وزیر کو آگاہ کیا۔
تمام ٹائونز کے چیئرمینز اپنے اپنے ٹائونز میں ترقیاتی کاموں کو تیز کریں اور جو ترقیاتی کام جاری ہیں ان کو مقررہ وقت میں مکمل کیا جائے۔ سعید غنی
جن جن ٹائونز میں سوئی گیس، واٹر بورڈ یا دیگر کسی ادارے کے کام جاری ہیں ان کے کاموں کو تیز کروایا جائے اور فوری وہاں گلیاں اور سڑکوں کی تعمیر کی جائے۔ سعید غنی
تمام ٹائونز کے ترقیاتی منصوبوں پر کسی قسم کا کوئی سمجھوتہ نہیں کیا جائے گا۔ سعید غنی
چیئرمین بلاول بھٹو زرداری کی واضح اور دو ٹوک ہدایات ہیں کہ منتخب نمائندے بلا رنگ و نسل اور سیاسی وابستگی صرف اور صرف عوامی خدمت کو اپنا شعار بنائیں۔ سعید غنی
جن جن ٹائونز میں کسی قسم کے کوئی مسائل ہیں تو اس کو ترجیعی بنیادوں پر حل کیا جائے گا۔ سعید غنی
کراچی کے عوام کے اعتماد پر پورا اترنا تمام منتخب نمائندوں کی اولین ذمہ داری ہے اور اگر کوئی یہ ذمہ داری پوری کرنے میں ناکام رہتا ہے تو اس کے خلاف سخت کارروائی عمل میں لائی جائے گی۔ سعید غنی
کراچی (اسٹاف رپورٹر) وزیر بلدیات سندھ سعید غنی نے کہا ہے کہ تمام ٹائونز کے چیئرمینز اپنے اپنے ٹائونز میں ترقیاتی کاموں کو تیز کریں اور جو ترقیاتی کام جاری ہیں ان کو مقررہ وقت میں مکمل کیا جائے۔ تمام ٹائونز کے ترقیاتی منصوبوں پر کسی قسم کا کوئی سمجھوتہ نہیں کیا جائے گا۔ چیئرمین بلاول بھٹو زرداری کی واضح اور دو ٹوک ہدایات ہیں کہ منتخب نمائندے بلا رنگ و نسل اور سیاسی وابستگی صرف اور صرف عوامی خدمت کو اپنا شعار بنائیں۔ ان خیالات کا اظہار انہوں نے جمعہ کے روز اپنے دفتر میں پیپلز پارٹی سے تعلق رکھنے والے کراچی کے ٹاؤنز چیئرمینز کا اہم اجلاس کی صدارت کرتے ہوئے کیا۔ اجلاس میں پیپلز پارٹی کراچی کے جنرل سیکرٹری و ڈسٹرکٹ سائوتھ کے صدر جاوید ناگوری، تمام ٹائونز کے چیئرمینز اور دیگر نے شرکت کی۔اس موقع پر چیئرمینز نے اپنے اپنے ٹائونز میں اب تک کئے جانے والے کاموں اور انہیں درپیش مسائل سے صوبائی وزیر کو آگاہ کیا۔ سعید غنی نے کہا کہ تمام ٹائونز کے چیئرمینز اپنے اپنے ٹائونز میں ترقیاتی کاموں کو تیز کریں اور جو ترقیاتی کام جاری ہیں ان کو مقررہ وقت میں مکمل کیا جائے۔ انہوں نے کہا کہ جن ٹائونز میں سوئی گیس، واٹر بورڈ یا دیگر کسی ادارے کے کام جاری ہیں ان کے کاموں کو تیز کروایا جائے اور فوری وہاں گلیاں اور سڑکوں کی تعمیر کی جائے۔ سعید غنی نے کہا کہ تمام ٹائونز کے ترقیاتی منصوبوں پر کسی قسم کا کوئی سمجھوتہ نہیں کیا جائے گا اور چیئرمین بلاول بھٹو زرداری کی واضح اور دو ٹوک ہدایات ہیں کہ منتخب نمائندے بلا رنگ و نسل اور سیاسی وابستگی صرف اور صرف عوامی خدمت کو اپنا شعار بنائیں۔ سعید غنی نے کہا کہ جن جن ٹائونز میں کسی قسم کے کوئی مسائل ہیں تو اس کو ترجیعی بنیادوں پر حل کیا جائے گا اور کراچی کے عوام کے اعتماد پر پورا اترنا تمام منتخب نمائندوں کی اولین ذمہ داری ہے۔ اگر کوئی یہ ذمہ داری پوری کرنے میں ناکام رہتا ہے تو اس کے خلاف سخت کارروائی عمل میں لائی جائے گی۔
